تخصص هندسة الحاسوب

تخصص هندسة الحاسوب

ما هو تخصص هندسة الحاسوب؟ وما هي مجالاته؟
هندسة الحاسوب هو تخصص تقريباً شامل لأفرع كلية ال IT.
بندرس جزء من مواد البرمجة حتى نكون مؤهلين لتصميم Software يساعدنا في مجالنا، وبندرس كمان جزء من المواد الخاصة بالشبكات وحمايتها، وبندرس كمان جزء من مواد الكهرباء الي هي جزء لا يتجزء من دراسة الحاسوب، والحصة الاكبر طبعاً بتكون على مواد ال Hardware الي هي أساس تخصصنا، يعني نعرف ايش هي مكونات الكومبيوتر الداخلية، وكيف كل جزء بشتغل، ونعرف علاقة كل جزء بالثاني بحيث نعرف طريقة عمل الكمبيوتر.
بالمحصلة بكون عندنا الاساس الي بأهلنا للآتي :
- تصميم برامج، واذا طورت نفسك بلغات البرمجة ممكن تعمل برامج إحترافية، سواء للأجهزة الذكية، أو للكمبيوتر و حتى للويب.
- معرفة مبادئ الشبكات وأساليب الحماية مش بشكل عميق لكن بقدر كويس من عدة نواحي مثل اساليب انتقال البيانات وطرق التحسين عليها ومعرفة وظائفها.
- حوسبة المهمات اليومية، الصناعية، الطبية .. الخ. يعني تحويل اي اشي ليتنفذ من خلال اجهزة مبرمجة، طبعاً تحتاج لقدرة وكفائة متميزه.
- طرق ربط ال Hardware مع ال Software حتى ينفذ مهمه معينة .. وكلمة Hardware ما بتقتصر على الكومبيوتر بحد ذاته لكن ممكن اجهزة ثانية انت تبتكرها او موجودة تطور عليها.
- تطوير اجهزة الحاسوب بحيث تقوم بعملها بطريقة أسرع وبتكلفة أقل.
مجالات العمل :
- ممكن نشتغل بال Software
- ممكن نشتغل بال Hardware
- ممكن نشتغل بالاثنين مع بعض
والتخصص كثير حلو وممتع وفي مجال للابداع بشكل كبير، لكن أهم اشي انك تعتمد على نفسك في زيادة معرفتك، يعني اي كلمة او مصطلح بتسمعه حاول قد ما تقدر تعرف عنه معلومات.
وبشكل عام " البكالوريوس " هو أساس لا أكثر، يعني ما بتحصل على كل اشي لكن بكون عندك الاساس للاختيار وتطوير نفسك في المجال الي حابه تكمل فيه حياتك العملية.
كم عدد طلاب القسم؟؟
بحدود ال 350 طالب و طالبة.
وين أماكن تواجد طلاب القسم عادة؟
بال "open lab"، اللي هو بكون لاب مفتوح فيه أجهزة كمبيوتر مشان الطلاب يستخدموهم، وكمان بكونوا بسكوير الA.
ايش اهتماماتهم؟
الأغلب بتعلمو برمجة self study.
مجالات العمل اللي الطلاب بطمحولها؟
بفكرو يكونو دايما بشركات مرتبة مثل:
Google, Microsoft, Intel, Facebook....
 
خالد الشبول
- هندسة حاسوب دفعة ٢٠١٤

المزيد من متفرقات