تجربة طلبة جامعة العلوم والتكنولوجيا خلال برنامج التبادل الاكاديمي ايراسموس بلس

تجربة طلبة جامعة العلوم والتكنولوجيا خلال برنامج التبادل الاكاديمي ايراسموس بلس

 
"ايراسموس أعطتني أول تجربة سفر بحياتي وهاد يعني اني ابعد عن اهلي لأول مرة واعتمد على حالي بكل شي.
انبسطت بفكرة السفر كتير واني ازور بلد كنت من زمان حابة ازورو هاد اشي ما كنت اتوقعو ابدا.
لما وصلنا اليونان بالبداية كان كل شي غريب الناس اللغة الشوارع، وأول يوم كان سيء بسبب تعب السفر وانو حاليا انا لحالي ولازم اتحمل مسؤولية كل شي بخصني، بتذكر بهاد اليوم سكرنا باب البيت والمفتاح جوا بالغلط، وكان الوقت متأخر ومسؤولين السكن مش موجودين وبهيك اضطرينا ننام ببيت البنات الي معنا لحد ما يطلع الصبح ونلاقي حل.
بعد هيك بلش كل شي يتغير صارت الايام الي بعيشها من احلى ايام حياتي تعرفت على كتير ناس وطلاب ودكاترة.
ايراسموس يعني تلاقي شخصيتك تغيرت وطبعا للاحسن
انك تلاقي حالك تعلمت وتعرفت ع كتير شغلات جديدة ما كنت رح تعرفها لو ما كنت جزء من هاي التجربة.
ايرايسموس كانت من احلى تجارب حياتي وبتمنى تنعاد"
تجربة الطالبة: هداية جرادات Hedaya Z Jaradat
تخصص:علوم الحاسوب في جامعة العلوم والتكنولوجيا
اسم الجامعة والبلد الشريكة: جامعة بيرايوس في اليونان
--------------------------------------------------------------------------------

المزيد من أخبار الجامعة