رحّال

رحّال

زارنا في حيّنا رحال يجوب العالم، وننتظر في الأشهر القادمة جولات حول العالم.

أي حد بحب يدعم رحّال؟ ويشبكه مع ناس ممكن تسانده في مهامه حول العالم، يتواصل معي.

رحال، شاب من الخليل - فلسطين، يبحث عن المعرفة والتجربة، لطيف ومميز، بكل تجربة خاضها وكل دولة زارها بيترك أثر، وبنقل فكرة، المميز في علاء أنه رغم هويته المقيده جدًا ويلي بتمنعه يدخل أي بلد وكل بلد إلا بآلاف المعاملات والتصاريح، مع ذلك هو ما بحتكر معلوماته لنفسه، ما بحتكر جولاته والمناطق يلي زارها والكيفية والآلية لنفسه وبس! في داخله إنسان يؤمن بتكافئ الفرص وإنه من حق الجميع يعيش تجربته ويعيش معه تجربة مميزة، ولأنه مافي مدينة فاضلة المدن المستدامة بداخل عقولنا، ولأنه الخيال هو الساحر الوحيد يلي بخفف وحشة كل شخص حاب يسافر لكن القيود بتحبسه لهيك علاء بعد كل جولة بقضي وقت طويل في نشر صور ومعلومات كل شي تعلمه وجربه بطريقة مميزة ومنظمة.

رحّال عبارة عن فكرة مبادر يمتلك هم كل شباب هالبلد، بحاول جهده ينشر فكرة إنه ايمانك بذاتك وايمانك بطاقتك ممكن يخليك تتحدى كل شي. ويلي بسأل هو قاعد على بنك؟ بحب أحكيلكم لاء علاء بشتغل وبتعب وبوفر وبقتطع من وقته وبرتب نظام حياته بما يسمحله يسافر ويتجول ويدوّن تاريخ - حضارة - لغة - آثار - ثقافة - بقايا - آلام - ابتسامات - كلمات - و تطلعات الشعوب والمناطق يلي بمر عليها.

رحّال زار لليوم 23 دولة و 69 بلد حول العالم

 

21 مدينة خلال 2017

24 مدينة خلال 2016

3 مدينة خلال 2015

7 مدينة خلال 2014

5 مدينة خلال 2013

9 مدينة خلال 2012

 

اللي بدي إيّاه منكم نساعده كيف يسوّق فكرته ومشروعه الترحالي، وكيف يحقق طموحه ليصبح رحّال عالمي.

 

شكراً على الوقت يلي قضيته معكم علاء ومريم من فريق رحّال وأتمنى مرافقتكم في الجولة القادمة.

 

Laith Abu-Taleb Eid Jobaihy Tomas Kvedaras

 

United Nations Volunteers - Jordan

 

للمزيد عن رحال: رحّال - Rahhal

 

https://web.facebook.com/rahhala.j/

 

​المصدر : مكتب الأمم المتحدة للمتطوعين في الأردن.

 

براءة بطاينة

المزيد من متفرقات

14 Feb

دورة تغذية رياضية

لرؤية الخبر كاملاً انقر على الصورة

یعلن المركز الاستشاري في جامعة العلوم والتكنلوجیا عن دورة تغذی... اقرأ المزيد