إبداع تكناوي - طارق عقرباوي وإبداعه في البرمجيات ومساعدة الطلاب

إبداع تكناوي - طارق عقرباوي وإبداعه في البرمجيات ومساعدة الطلاب

العطاء إذا ما كان جزء من روح الإنسان نفسه ما بتكون قيمته وفائدته ملموسة للناس لهيك قدمت من قلبي كل شيء بقدر أساعد فيه طلاب قسمي أو حتى خارج القسم.
أنا طارق محمد العقرباوي طالب من دفعة ٢٠١٢ بدرس هندسة برمجيات ولسا بالجامعة وهاد طبعاً حافز للطلاب اللي اذا واجهتهم ظروف ما يتخلّوا عن حلمهم، بلشت كطلاب عادي جديد على موضوع جامعة ومحاضرات وهالقصص بس كان في دافع بداخلي بحكيلي لازم تساعد الطلاب على قد ما تقدر وما اخلّي المشاكل الي واجهتني تواجههم، بس بطريقة بتخص تخصصي ومش بعيدة عن هالجمال ، أول اشي عملته كان موقع شامل لتخصصات جامعتنا من تلاخيص ودعم إلكتروني للطالب "www.teknawe.weebly.com" لحتى يساعد الطلاب إذا احتاجوا أي نوع من المساعدة بموادهم بالإضافة أكيد لشرح دكتورهم وهاد كان ببداية سنيني بالجامعة ، بعد هيك حكيت لازم أفيد الطلاب بمحال معرفتي كوني طالب هندسة برمجيات وعملت قناة على اليوتيوب بعرض فيها شرح لمادة سي بلس بلس للسنافر لانها أول مادة برمجة بوخدوها "https://www.youtube.com/channel/UCYqRMHdrkfqnhQyg6l8kd7Q" ، وبعد ما عملت هالشغلتين صار لازم أعمل إشي يضل على طول مع الطالب وبقدر يستفيد منه بشكل سريع وقررت أعمل بوت إسمه كمبيوترجي وهو زي ما هو معروف تطبيق على المسنجر بصير فيه الرد تلقائي بمجرد ما يبعث اسم المادة وببعثلك الموقع تلاخيص بتخص المادة وهاد كان أجدد عمل بعمله وطبعاً ساعدني زميلي عبد الله دلالعة ؛"http://m.me/Computergy.just" ، وحبيت اخلي غيري كمان يوصل فكرته اللي هو بدو إياها وأوصل أنا كمان اللي بدّي إياه صرت أنسق نشاطات طلابية على مستوى القسم والجامعة كمان ، أول اشي كنت بعمل هالفكرة مع مجموعة صغيرة من الطلاب وبعد هيك كبرت نطاق العمل شوي وعملت قروب بضم أغلب طلاب الجامعة وصرت لما بعمل أعمال طلابية أعلن عنه من خلال لجروب "https://youtu.be/ageox_mjTXg" .
أخر إشي حابب أحكي للطلاب إنه الوصول للهدف مش اشي سهل وبدو تعب وإصرار كبير وما رح يكون الطريق مهيئ إلك دايما مرات إنت مجبر تعمل هالطريق بإيدك ، وشو ما كان تعبك لتعمل هالطريق ما تتخلى عن حلمك وهدفك لأنك بدون هدف صفر بالحياة وما إلك أدنى قيمة بهالحياة.

دانيا منصور
 
 

المزيد من متفرقات